Friday, 22 August 2014

CH: No tawhiti, no tata
no te whenua o te Atua tatou
ahakoa no hea mai koe
ka whawhai tonu matou mou

Ko au to maunga, tu tonu
ko te moana pari mai koe
ko koe te awa i taku remu,
ko taua ano taua
no te one i Kurawaka,
hei tiaki i te whenua nei

Aotearoa, he iwi kaha tatou,
he mana tuku iho mai ano
whenua haumako
wairua ora
whaia to ara
ki te mutunga

CH: No tawhiti…

He korero to te whenua, heke mai ki a tatou
he toa au mona e oke nei e
e kore au e hinga
he uri no te roimata
te toto o nga tupuna
e kore au e wehi e

Kia kaha tatou ki tau i pai ai
Whakatinana,
kaua e ngutu noa
Whenua haumako, wairua ora
whaia to ara ki te mutunga

CH: No tawhiti…

E Ihowa atua
o nga iwi matou ra
ata whakarongona
me aroha noa
kia hua ko te pai
kia tau to atawhai
manaakitia mai
Aotearoa!

CH: No tawhiti…